Contrat de maître
Barra, facteur d’arbalètes et autres artilleries,
pris au service du consulat de Cahors le 1er octobre 1369.
Contract of
master Barra, crossbows and other weapons manufacturer, in the service of the
consulate of Cahors,
dated October 1st, 1369.
Provenance du document : Archives municipales de Cahors (département du Lot, France), Livre Tanné, folio 83.
Origin of the document : Town archives of Cahors (Lot department, France), Livre Tanné (taned book), folio 83 both sides.
Please see
Nicolas Savy's article, La
défense des fortifications de Cahors pendant
la deuxième moitié du quatorzième siècle for
more information.
f°83r° :
Balestier gage.
Lan de nostre
senhor M CCC LXIX lo primier dia del mes doctobre a Caortz, en la mayo
communal del cosselat de Caortz, en presencia de IIII notari e dels testimonis
desotz escrigs personahmen, estan maestre Barra balestier nat
segon que (dis) del log o perroquia de (…) del avesquat
de (…) per si e per los sens, sotz obligatio e ypocheca
de si (…) e de totz sos bes mobles e no mobles presens e
avenidors, e sotz refactio de dampnatges inusesses e despesas, promes e juret
als Sanhs de dio envangelis als senhors en Johan
Decabazaco, maestre Auriola, maestre Cornhet, Jacme del
Mural e Johan Dagaso cossols de Caortz de lan presen, aqui presens e per
si e per totz los autres cossols e per tota la universitat de Caortz, stipulans
e Rec(…) que el dig maestre Barra demorata a Caortz
contumadamen, per tot entier comptador de la festa de
Sanh Miquel propdanamen passada, e aqui (…) a refar lo
mestier de balestrier et tener per lo dig temps apparelhadas sufficimen
e condrechas totas las artilharias del cossolat de balestas de
I pe e de torn, e dels arcxs. E far a son cost XXIIII balestas novas de I pe
a opus del cossolat, ab aytal condicto que lhi digs senhors
cossols lhi bayls, elh devo baylar e promero tot quant
que seria opus e necessari a far las dichas XXIIII
balestas novas e las archas artilharias. Per lo dig temps tendra aparelhadas e
fara las dichas XXIIII balestas novas coma dig es e far torn a las autras
obvas dartilharia qual que sia apertenen al dig cossolat, per las qual sero
doun e pargar al dig balestier per tot lo digs senhors cossols (duo ?) e
(prom ?) cadan si plus estant fazen las cauzas
dessus dichas, per (cascu) an de pencio dos cartos de
fromen a mezura de Tholosa o epupollen mezura e I tonel de
vin ; aysso aver e baylar I ostal per demorar (…)que presen tener
son obrador dartilharia e de balestier e I leg per jazer garnit de
cuverta e de II lensols e de cossera e de coychi e may donat (…) una
rauba a las remudas dels senhors cossols a nova de talh a
la electio dels senhors cossols. E so fag e covens entre los (digs senhors)
f°83 v° :
cossols el dig balestier quel dig balestier de las autras balestas que a de Baria als ciotadas, el se fassa pagar de son selari e de sas (ad obraduras), e far e vendre balestas novas, e metre tot so quen aura en los propris gatges, e mai foro (covens) e promez en lhi digs senhors cossols tener quiti lo dig balestier, an tant quant estaia fazen las cauzas dessus dichas, quiti e franc de tota talha e enpositio e de tot gag e de tota garda de la nueg et del dia. E totas aquestas cauzas promezero lhi digs senhors Cossols el dig balestier lan a lautre far e tener e comp(ar), e que no venir per las quals causas faz e doyra se sosmezero a la compulsio de M lo senescali de Peregort e de Quersi e del baile del ressort de Caortz el dig balestie vol(c) esset de so reg a far las causas dessus dichas per los dig mossehn lo senescale e baile del ressort, per vendemem de sos bes e arrest de sa persona si mestiers era coma per cauza pregada, conoguda e cosessada. Fag fo aysso lan el dia Dessus dig en presencia e en testimoni den G. Dentrevinhas e den Bertr(an) Garri e den P. de la Comba e den R. Nieli, ciotadas de Caortz e de (…) maestre del Bosc, notari public de nostre senhor lo princep de Guiana, que (reteo) li de las causa(s) dessus dichas, public escr(…) requeregut per las dichas partidas.
We thank Nicolas Savy for providing us with this document and his permission to include it on our website.